2013/05/22

AHT-ren dirua gastu sozialentzako. AHT gelditu dezagun!


Ekinklik-en argazkia
Gaur asteazkena, Maiatzaren 22an,  Erribera, Erdialde eta Iruñerriko 40 bat lagun Kadreitan AHTko lan eremuan sartu eta lanak  15 minutuz gelditu dituzte. Ekintza, COMSA eta Mariezcurrena enpresen ardurapean dagoen Kadreita eta Alesbes arteko azpitartean burutu da. Protestan esku hartu duten pertsonek bi makina inguratu dituzte, lanak gelditzeko eta proiektuaren arrazoigabekeria salatzeko pankartak erakutsiz. Partehartzaileek AHTk suposatzen duen  xahukeria eta gastu sozialetarako AHTren gastua bideratzeko oihukatu dute. Halaber, heldu den larunbatean, Tafallan AHT gelditzeko ospatuko den manifarako deialdia egin dute. Arratsaldeko 19:ooetan Nafarroa plazatik abiatuko da.

Hemen elkartu garen pertsona anitzek AHTren aurkako salaketa publikoa egin nahi dugu. AHTren aurka gaude xahutzailea delako, zorpetzen gaituelako, lurra txikitzen duelako eta sozialki errentagarria ez delako. Euskal Y-arekin eta Zaragozarekin loturarik ez duen Castejón eta Arrizabalaga arteko 60 Km-ko AHT zatia eraikitzea lehenesten du Nafar Gobernuak eta guk baliabide publikoen xahuketa ridikulua dela diogu. Bitartean jendartearen gehiengoak hezkuntza, osasun eta zerbitzu sozialen arloetako  eskubide sozial minimoak bermatu gabe ditu. Landa eremuko osasun arretarako zentroak ixten ari direla salatu nahi dugu, baliabide faltaren aitzakiarekin eskolak ixten ari dira eta tren konbentzionalaren linea batzuk ixten ari dira jendeak AHT erabil dezan.


AHT amaierarik gabeko zakua dela diogunean, bere kostu ekonomikoak abiadura handiko hipoteka suposatzen duela salatu nahi dugu. AHTren obrak aurrera egin ahala, aurrera egiten du prekarietateak eta gizarte bazterketak ere eta gero eta jende gehiago da pobreziaren mailaren azpiko diru sarrerarekin bizitzera behartuta dagoena. Zorra ordaintzeko aitzakiarekin gobernuek eta Europak jendarteari gero eta sakrifizio gehiago inposatzen ari denean, eskandalagarria da AHTren proiektuarekin aurrera egitea. Eskandaluzkoa da Nafarroak obra honentzako 300 milioi euro aurreratu izana eta aldi berean 45 milioi eurora iristen diren Europako Inbertsio Bankuaren maileguaren interesei aurre egin behar izatea. Azpimarratu nahi dugu Espainiar estatua dela europako abiadura handiko kilometro gehien duen estatua dela, eta hala ere, langabetu tasa handiena ere baduela. Nafarroak ezin du bide horretatik egin. Sakana eta Erriberako langabezia tasa altuak eta osotara dauden 56000 langabetuak lehentasunak aldatu egin behar direla adierazten dute.  AHT ez baizik eta langabetu horientzako lanpostu duina sortzea izan behar da lehentasuna.


AHTk lurrak txikituko dituela diogunean horixe bera ari gara salatzen. Lur eremu zabalen okupazioa, lur emankorren txikizioa, nekazaritza eta abeltzaintza arloetako esplotazioen deuseztatzea, gune naturalei eragingo zaien kaltea eta abar. AHT ezin dela pertsonen aurretik jarri diogunean porlanaren politika salatu egin nahi dugu. Gezurra badirudi ere ez dugu ikasi. Nafarroako ubidea, Navarra Arena aretoa, Urantziako zirkuitua, Noaineko aireportuaren zabalpena eta orain Abiadura Handiko Trena. Azpiegitura handiak ez dira gehiengoaren aberastasun, modernitate ez ongizatearen erakusgarri, kontrakoa baizik. Obra handi hauen etekinak bankuentzako eta enpresa eraikitzaile zehatz batzuentzako baino ez dira.

Honengatik guztiarengatik AHTren obren berehalako gelditzea exijitzen dugu. Aldi berean, heldu den Maiatzaren 25ean arratsaldeko 19tan Tafallako Nafarroa Plazatik  azpiegitura erraldoi honen aurka burutuko den manifestazioan parte hartzera animatu nahi ditugu herritarrak.

AHTren aurkariak

No hay comentarios:

Publicar un comentario