Nekazarien eskubideak. Emakumeen alternatibak

"Nekazarien eskubideak. Emakumeen alternatibak"

IRUÑEKO GAZTEDIAREN ETXEA

Maiatzaren 6tik 17ra

Nekazari-industriak gure planetako lur emankor gehienak kudeatzen baditu ere, nekazari ttikiek eta familiek ekoizten dituzte munduan kontsumitzen diren produktu gehienak. Elikagaiak produzitzeko orduan hil ala bizikoa da emakumeen partehartzea, nekazarien ehuneko hirurogeia emakumeek osatzen baitute. Emakumeek mundua elikatzen duten bitartean, nekazari-industriak gutxi batzuk aberasten ditu, eta lurrak antzutzen ditu, bioaniztasuna deuseztu eta miloika biztanlek elikatzeko duten eskubidea arriskuan jarrita. Emakumeek pairatzen dute batipat agro-industrien erasoa, leku askotan beraiek baitira familiako bizibidea bermatzen dutenak.

Errealitate horri erreparatuta, "Mundubat" fundazioak Iruñean astebetez luzatuko diren jardunaldiak antolatu ditu, emakumeen ixileko lan hori azaleratzeko baliogarri izan daitezkeenak. Jardunaldiek 'Nekazarien eskubideak. Emakumeen alternatibak' izenburua dute, eta maiatzaren 6, 7, 8  eta 10ean burutuko dira. Dokumental ziklo bat, helduentzako ipuin-kontalari baten emankizuna, bi ikerketen aurkezpena eta argazki erakusketa bat jasoko dituzte bere baitan.

MAIATZAREN 6an, 19:30etan

a) "Defensoras de la tierra", Unai Aranzadi kazetariak Mundubat-entzat eginiko dokumentala. Nikaragua, Bolivia, Kolonbia ta Euskalherriko emakumeen esperientziak jasotzen dituena.

b) "Dos tomates, dos destinos", Aníbal Gómez eta David Rodríguezek zuzendua,  eta benetazko tomate bat eta nekazal-industriak ekoiztutako beste tomate baten arteko ezberdintasunen salaketa humoristikoa dena.

c) "No te comas el sur", Mundubat-ek eginiko dokumentala, eta merkataritza eta produktuen banaketaren egungo egoera islatzen dituena.

MAIATZAREN 7an, 19:30etan

"Nuestra Tierra. Nuestro Futuro (Gure lurra, gure etorkizuna)". Komunikatuz eta Bizilur-ek zuzendutako dokumentala, Europa eta Hegoamerikako nekazariei eginiko elkarrizketak jasotzen dituena, elikadura burujabetza ardatz.

MAIATZAREN 8an 19:30etan

Ikerketen aurkezpena eta debatea: Artisau trasformazioa eta generoa. Hizlaria: Veronica Escurriol, Bartzelonako Unibertsitate Autonomoko ikerlaria.

MAIATZAREN 10ean 19:30etan

Helduei zuzendutako ipuin kontalaria, euskeraz eta gaztelaniaz. Emakumeak eta ingurugiroa uztartzen dituzten ipuinak, Beatriz Egizabal ipuin kontalariaren eskutik.

MAIATZAREN 6tik 17ra

Erakusketa: "Nekazarien beste errealitateak"

Argazkiak eta hauei dagozkien azalpen-gidek osatzen dute erakusketa. Hego Amerika, Afrika eta Asiako emakumeen berri ematen dute, lurralde eta bioaniztasunari jaramon eginez. Argazkien egileak Enrique Pimoulier nafarra eta Carmen Caballero, Jojo Zinclair, Raquel Durán eta Amaia Vicente dira.